圣誕就快到，Happy Mama不少媽咪friend卻未能過一個Merry Xmas，因為佢哋都煩緊升小。

唔好以為四大皆空（私小、直資、官津自行收生都全軍覆沒的家長在網上對自己的戲稱）的家長先至煩，有offer在手的家長一樣頭痕。因為佢哋仲十五十六，唔知選邊間好。放榜翌日，網上已有不少「abc校vs. xyz校」為題的post，真係有又煩，無又煩。甚至有家長在網上話自己放榜嗰日開始晚晚失眠，當中反映現今家長有幾緊張仔女學業。

校長﹕候補取錄視乎面試表現

Happy Mama同私立小學九龍禮賢學校校長陳劉斯嫦傾過，佢都認為時下家長真係好著緊仔女入邊間學校。佢哋學校只會面見學生，所以有家長特登走去學校等見校長。網上有家長分享自己如何由waiting list變成正取生，唔少家長都照辦煮碗，例如寫信畀校長，補交一本本厚厚的portfolio等。陳劉斯嫦校長今年都收到一班waiting list家長畀自己的信同portfolio。校長話自己都好明白家長心態，不過亦奉勸家長唔好盡信網上傳言﹕「學校決定取錄一個學生係視乎學生面試表現。我哋會根據學生表現在waiting list上有稿低排序，所以家長唔好上網睇到人哋做咩自己就做咩，只會浪費時間。」

校長又講到，教育其實係一條好長的路，小朋友入到邊間小學只是人生其中一個階段﹕「仔女入到家長的『心儀學校』，同ABC后佢是否適合嗰間學校係兩件事，家長毋須過分緊張仔女是否入到某間學校。」Happy Mama都聽過部分家長力谷仔女入到某熱門小學，ABC后因為功課壓力要轉校。其實呢個世界係無ABC的學校，只有適唔適合自己仔女的學校。校長認為，升小對家長來說都可以是一門課，當中學習到的就是如何面對得失。如果家長對得失睇得好重，影響的不止是自己的情緒，亦會影響到子女：「你緊張時小朋友就會更緊張，為了一個學位影響親子關係又何必呢？」